བདུད་འདུལ་རབ་བརྟན་གླིང་དགོན་པ། ཨོ་ཌི་ཤ
༈ ཟངས་མདོག་དཔལ་རིའི་ཕོ་བྲང་ཆེན་མོ།
༈ ཟངས་མདོག་དཔལ་རིའི་ཕོ་བྲང་ཆེན་མོ།
ཨོ་ཌི་ཤའི་ས་གཞི་ལས་བརྡོལ་བའི་དཀྱིལ་འཁོར་གསོན་པོ་དང་། སློབ་དཔོན་གུ་རུ་པདྨ་འབྱུང་གནས་ཀྱི་དག་ཞིང་། སྐྱབས་རྗེ་བདུད་འཇོམས་རིན་པོ་ཆེའི་དགོངས་བཞེད་རླབས་ཆེན་བསྒྲུབ་པའི་ཕྱིར་དུ་བཞེངས་སོ།
དབུ་འཛིན་མཆོག་གི་གསུང་འཕྲིན།རབ་གནས་དང་དབུ་འབྱེད་མཛད་སྒོ།ཕྱི་ལོ་ ༢༠༢༨ ཟླ་ ༣ ཚེས་ ༦
དམུགས་ཡུལ་དང་འཆར་སྣང་།
ཟངས་མདོག་དཔལ་རི་ནི་གསང་སྔགས་རྡོ་རྗེ་ཐེག་པའི་བསྟན་པ་བོད་དུ་སྤེལ་མཁན་གྱི་སློབ་དཔོན་ཆེན་པོ་གུ་རུ་པདྨ་འབྱུང་གནས་ཀྱི་དག་ཞིང་ཡིན།
ཟངས་མདོག་དཔལ་རིའི་ལས་གཞི་དང་དགོན་པ་འདི་ནི་དངོས་པོའི་བཟོ་བསྐྲུན་ཙམ་མ་ཡིན་པར། གུ་རུ་རིན་པོ་ཆེའི་དག་ཞིང་ས་སྟེང་དུ་མངོན་པའི་རྣམ་འཕྲུལ་དམ་པ་ཞིག་ཡིན། བདུད་འཇོམས་གཏེར་གསར་གྱི་བརྒྱུད་པ་ལ་རྩ་བ་བཙུགས་པའི་དཀྱིལ་འཁོར་གསོན་པོ་འདིས་མོས་གུས་དང་། བསྟན་པ་སྲུང་སྐྱོབ། སེམས་ཅན་ཐམས་ཅད་ལ་ཕན་པར་བྱེད་འདོད་ཀྱི་ཐུན་མོང་གི་སྨོན་འདུན་བཅས་མཚོན་གྱི་ཡོད།
ཚེ་གཅིག་ལ་ཐེངས་གཅིག་ཙམ་འབྱུང་བའི་ལས་གཞི་འདིས་འཛམ་གླིང་ཡོངས་ཀྱི་ཆོས་ཞུ་བ་རྣམས་ལ། རྙིང་མའི་བསྟན་པ་སྲུང་སྐྱོབ་དང་ཉམས་ལེན། དར་སྤེལ་བྱ་བའི་ཆོས་ཀྱི་གནས་མཆོག་ཅིག་བསྐྲུན་པར་རོགས་རམ་གནང་བར་གདན་འདྲེན་ཞུ། ཁྱེད་ཀྱི་མཆོད་འབུལ་དང་སྨོན་ལམ་ལ་བརྟེན་ནས་ཟངས་མདོག་དཔལ་རིའི་ལས་གཞི་འདི་བྱིན་རླབས་དང་། ནད་གསོ། སངས་རྒྱས་ཀྱི་ཕྲིན་ལས་ཀྱི་སྒོ་མོ་ཞིག་ཏུ་འགྱུར།
རྒྱ་གར་ཨོ་ཌི་ཤའི་བདུད་འདུལ་རབ་བརྟན་གླིང་དགོན་པར་ཡོད། དགོན་པ་འདི་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ་མཆོག་གིས་ཕྱག་བཏབ་པ་དང་། ད་ལྟ་བླ་མ་བསོད་ནམས་བཀྲ་ཤིས་རིན་པོ་ཆེ་མཆོག་གིས་འགོ་ཁྲིད་གནང་གི་ཡོད།
ཟངས་མདོག་དཔལ་རི་ནི་འཛམ་གླིང་ཡོངས་ཀྱི་རྙིང་མ་དང་། བདུད་འཇོམས་གཏེར་གསར། དེ་བཞིན་རྒྱལ་སྤྱིའི་དགེ་འདུན་གྱི་སྡེ་ཡི། ཆོས་ཀྱི་བསྟི་གནས་གལ་ཆེན་ཤིག་ཏུ་གམིགས་ནས་བཞེངས་བ་ཞིག་ཡིན།
ཕྱི་ལོ་ ༢༠༡༦ ལོར་ལས་གཞི་འདིའི་བཟོ་བཀོད་དང་བཟོ་རིག་གི་ལས་ཀ་དབུ་བཙུགས་ཤིང་། ཕྱི་ལོ་ ༢༠༡༧ ལོའི་ཟླ་ ༣ པར་ས་ཆོག་མཛད་པ་ནས་བཟུང་། ས་གནས་ཁུག་ཅོག་ཡིན་པ་དང་བཟོ་བཀོད་ཧ་ཅང་གི་ཞིབ་ཚགས་ཡིན་པའི་རྐྱེན་གྱིས་དཀའ་ངལ་མང་པོ་ཞིག་ཁྱད་དུ་བསད་ཡོད། ད་ལྟའི་ཆར་རྨང་གཞི་དང་ཕྱིའི་བཟོ་བསྐྲུན་ལེགས་པར་འགྲུབ་སྟེ་བརྒྱ་ཆ་ ༨༠ ལྷག་ཟིན་ཡོད། རིམ་པ་རྗེས་མ་ནི་གཙོ་བོ་རྩ་ཆེའི་བཟོ་རིག་སྒྱུ་རྩལ་དང་ལྷ་ཁང་ནང་གི་ཞིབ་ཕྲའི་བཟོ་བཀོད་ལ་དམིགས་ཡོད། ཁྱེད་ཀྱི་རོགས་སྐྱོར་ལ་བརྟེན་ནས་ཕྱི་ལོ་ ༢༠༢༨ ལོར་བཟོ་བསྐྲུན་ཡོངས་སུ་ལེགས་འགྲུབ་ངེས་ལ། ཆོས་ཞུ་བ་དང་གནས་མཇལ་བ་རྣམས་ལ་ལྷ་ཁང་གི་སྒོ་འབྱེད་ངེས་ཡིན་ནོ།
ལོ་རྒྱུས་དང་བརྒྱུད་པའི་སྐོར་ཞིབ་ཏུ་གཟིགས།▶ང་ཚོའི་དཀྱིལ་འཁོར་འགྲུབ་ལ་ཉེ།
རིམ་པ་རེ་རེ་ལེགས་པར་གྲུབ་པ་དང་ལྷན། དཀྱིལ་འཁོར་འདི་ཉིད་ཡོངས་སུ་འགྲུབ་ལ་ཉེ། འདིས་ཆོས་རྒྱུད་བར་མཐུན་སྒྲིལ་དང་། ཟངས་མདོག་དཔལ་རི་དངོས་སུ་མངོན་འགྱུར་བྱུང་བར་ཀུན་གྱིས་མཉམ་རུབ་གནང་བའི་ཐུན་མོང་གི་འབད་བརྩོན་མཚོན་གྱི་ཡོད།
མཆོད་འབུལ།
ལྷ་ཁང་གི་བཟོ་བཀོད་ལེགས་པར་འགྲེང་ཡོད་ལ། ད་ལྟ་གཙོ་བོ་དགོས་པ་ནི་ཚོན་རྩི་དང་། གསེར། སྐུ་བརྙན། རྩི་ཤིང་མེ་ཏོག མ་འོངས་པར་སྒོ་འབྱེད་སྐབས་དགེ་འདུན་གྱི་སྡེ་ལ་བསྙེན་བཀུར་གྱི་ཕྱག་རོགས་རྣམས་ཡིན། ཁྱེད་ཀྱིས་དཀྱིལ་འཁོར་ལེགས་འགྲུབ་ཀྱི་ཆ་ཤས་གང་ཞིག་ལ་རོགས་སྐྱོར་གནང་འདོད་པ་འདེམས་རོགས་ཞུ།
རིམ་པ་མཐའ་མ་འདིའི་ནང་ཕྱི་ལོགས་ཀྱི་ཚོན་རྩི་དང་རྩ་ཆེའི་ལྡེབས་རིས་ལེགས་གྲུབ་བྱ་རྒྱུ་དང་། དེ་བཞིན་སྒོམ་སྒྲུབ་དང་བསམ་བློ་གཏོང་སའི་ཞི་བདེའི་ལྡུམ་རྭ་དང་ཕྱི་ལོགས་ཀྱི་ས་ཁོངས་བསྐྲུན་རྒྱུ་བཅས་ཚུད་ཡོད།
མཆོད་འབུལ་ཆེ་ཆུང་གང་ཡིན་རུང་། གནས་མཆོག་འདིའི་ཁོར་ཡུག་ཡོངས་སུ་ལེགས་གྲུབ་ལ་ཉེ་བར་རོགས་རམ་ཐུབ།
མཆོད་འབུལ་ཞིག་གནང་རོགས།ཟླ་རེའི་གུ་རུ་ཚེས་བཅུའི་མར་མེ་མཆོད་འབུལ་ལ་མཉམ་ཞུགས་གནང་རོགས། ཁྱེད་ཀྱིས་ཕུལ་བའི་མཆོད་མེ་རྣམས་དགེ་འདུན་པ་རྣམས་ཀྱིས་སྨོན་ལམ་གསུང་བའི་སྐབས་དང་ཡང་ན་ཟླ་རེའི་གཟུངས་སྔགས་བསོག་པའི་སྐབས་སུ་འབུལ་རྒྱུ། སྐྱེ་འགྲོ་སེམས་ཅན་ཡོངས་ཀྱི་ཆེད་དུ་བསྔོ་བ་དང་དེ་བཞིན་ཁྱེད་ཀྱིས་སྒེར་གྱི་མཚན་དང་མཆོད་འབུལ་གང་གི་ཆེད་ཡིན་པ་སོགས་བཀོད་ཆོག
མཆོད་འབུལ་ཞིག་གནང་རོགས།རྩ་ཆེའི་སྐུ་རྟེན་རེ་རེས་བྱང་ཆུབ་ཀྱི་ཡོན་ཏན་རེ་རེ་མཚོན་ཞིང་། ཟངས་མདོག་དཔལ་རིའི་དཀྱིལ་འཁོར་གྱི་ཆ་ཤས་ཤིག་ཏུ་འགྱུར་གྱི་ཡོད། ཁྱེད་ཀྱིས་སྐུ་རྟེན་ལ་སྦྱིན་བདག་གནང་བ་དེས་ལྷ་ཁང་འདི་ལེགས་པར་འགྲུབ་པའི་རོགས་འདེགས་དང་།དེ་བཞིན་སྐྱེ་འགྲོ་སེམས་ཅན་ཐམས་ཅད་བདེ་འགྲོར་སྐྱེ་བ་དང་དམ་པའི་ཆོས་དར་ཞིང་རྒྱས་པའི་བསྔོ་སྨོན་རུ་འགྲོ་ངེས།
མཆོད་འབུལ་ཞིག་གནང་རོགས།ཕྱི་ལོ་ ༢༠༢༨ ལོའི་ཟླ་ ༣ པའི་ནང་གི་རབ་གནས་མཛད་སྒོ་དངོས་ལ་རྒྱབ་སྐྱོར་གནང་རྒྱུ་སྟེ། མཛད་སྒོ། མཆོད་རྫས། དེ་བཞིན་དགེ་འདུན་པ་དང་མཇལ་སྐོར་བ་རྣམས་ལ་བསྙེན་བཀུར་བཅས་ཡིན།
མཆོད་འབུལ་ཞིག་གནང་རོགས།ཐོག་བརྩེགས་གསུམ།
ཟངས་མདོག་དཔལ་རི་ནི་ཐོག་བརྩེགས་གསུམ་དུ་བཞེངས་ཡོད་ལ། ཐོག་རེ་རེས་སངས་རྒྱས་ཀྱི་སྐུ་རེ་རེ་མཚོན། བཟོ་བཀོད་ཉིད་ཆོས་ཀྱི་བསྟན་པ་ཡིན་ཏེ། མིག་གིས་མཇལ་ཐུབ་པའི་སྐུ་ནས། སྒོམ་པའི་ངང་དུ་མཐོང་ཐུབ་པའི་སྐུ་དང་། དེ་ནས་གཟུགས་ལས་འདས་པའི་སྐུའི་བར་དུ་རིམ་གྱིས་ཡར་འཛེག་པ་ཡིན།
རྩེ་མོ། མཚན་མ་དང་ཁ་དོག་མཐའ་མཚམས་ལས་འདས་པ་སྟེ། སྣང་བ་ཀུན་འཆར་བའི་གཞི་ཆོས་ཀྱི་སྐུ། ལྷ་ཁང་གི་རྩེ་མོར་ཅི་ཡང་མི་འཛིན་ལ་ཀུན་འཆར་བའི་ནམ་མཁའི་དབྱིངས།
ཐོག་བར་མ་སྟེ། ཕྱི་ལོ་ ༢༠༢༣ ཟླ་ ༦ པར་དེའི་གནམ་པང་བཙུགས། ལོངས་སྤྱོད་རྫོགས་པའི་སྐུ་སྟེ། འོད་གསལ་ཞིང་རྒྱན་གྱིས་སྤྲས་པ། ཉམས་ལེན་པ་རྣམས་ཀྱིས་དག་སྣང་དང་བརྒྱུད་པ་འདིའི་སྒྲུབ་ཐབས་ཀྱི་ནང་མཇལ་བ།
ཁྱེད་ནང་དུ་ཕེབས་ས། སྤྲུལ་པའི་སྐུ་སྟེ། འཇིག་རྟེན་དུ་བྱོན་ནས་མིག་གིས་མཇལ་ཐུབ་པའི་སྐུ། གུ་རུ་རིན་པོ་ཆེ་རང་གི་ཕོ་བྲང་དུ་བཞུགས་ནས་མཆོད་པ་བཞེས་ཤིང་ཆོས་ཀྱི་འཁོར་ལོ་བསྐོར་བ།
ཕྱི་ལོ་༢༠༢༨ལོའི་ཟླ་༠༣ཚེས་༠༦།
དཀྱིལ་འཁོར་གྱི་ལྷ་ཁང་འདི་ཉིད་ཡོངས་སུ་འགྲུབ་པ་དང་རབ་གནས་མཛད་རྗེས་ཆོས་ཞུ་བ་དང་མཇལ་སྐོར་བ་རྣམས་ཀྱི་ཆེད་དུ་སྒོ་མོ་འབྱེད་རྒྱུ་ཡིན། འདི་ནི་ཨོ་རྒྱན་གུ་རུ་རིན་པོ་ཆེས་བྱིན་གྱིས་བརླབས་པའི་གནས་མཆོག་འདིར་འཛམ་གླིང་ཡོངས་ཀྱི་རྙིང་མ་དང་། བདུད་འཇོམས་གཏེར་གསར། དེ་བཞིན་གཅོད་ཡུལ་བའི་དགེ་འདུན་གྱི་སྡེ་རྣམས་མཉམ་འཛོམས་ཀྱི་དགའ་སྟོན་ཆེན་པོ་ཞིག་ཡིན།
༈ ཟངས་མདོག་དཔལ་རིའི་ཕོ་བྲང་ཆེན་མོ།
ཨོ་ཌི་ཤའི་ཕྱི་དྲོའི་ཉི་ནུབ་ཀྱི་དུས་སུ།ཟངས་མདོག་དཔལ་རི་ནི་ཕྱི་དྲོའི་ཉི་འོད་ཐ་མའི་ཀློང་དུ་ལྷམ་མེར་གསལ་ཞིང་། འདི་ནི་ཨོ་རྒྱན་གུ་རུ་རིན་པོ་ཆེའི་དག་ཞིང་ནས་འཕྲོས་པའི་འོད་ཟེར་གྱི་གཟུགས་བརྙན་ཞིག་གོ།
བརྒྱུད་པའི་བླ་མ་རྣམས་ཀྱི་གསུང་འཕྲིན།
བདུད་འཇོམས་གཏེར་གསར་གྱི་བརྒྱུད་འཛིན་བླ་མ་སྐྱེས་ཆེན་དམ་པ་རྣམས་ཀྱིས་ལས་གཞི་འདིར་རྒྱབ་སྐྱོར་གྱི་ཕྱག་བྲིས་སྩལ་ཏེ། དད་ལྡན་རྣམས་ལ་རང་རང་གི་ནུས་པ་ལྟར་མཆོད་འབུལ་གནང་དགོས་པའི་བསྐུལ་མ་གནང་ཡོད། དེ་དག་གི་གསུང་ཡོངས་རྫོགས་འདིར་འགོད་དོ།
སངས་རྒྱས་ཀྱི་བསྟན་པ་དང་སེམས་ཅན་ཡོངས་ཀྱི་དོན་དུ། འགྲོ་བ་རྣམས་ཀྱི་བསོད་ནམས་ཀྱི་མཐུ་ལས་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་མཆོག་གིས་ཨོ་ཌི་ཤར་གནས་མཆོག་བདུད་འདུལ་རབ་བརྟན་གླིང་དགོན་པ་ཕྱག་བཏབ། ད་ལྟ་བླ་མ་བསོད་ནམས་བཀྲ་ཤིས་ནས་ལྷག་བསམ་རྣམ་དག་དང་སངས་རྒྱས་ཀྱི་བསྟན་པར་ཞབས་ཏོག་ཞུ་བའི་ཐུགས་འདུན་ཟབ་མོས་དེར་ཟངས་མདོག་དཔལ་རི་ཚད་ལྡན་ཞིག་བཞེངས་རྒྱུའི་འཆར་གཞིར་འགོ་ཁྲིད་གནང་བཞིན་ཡོད་པ་ནི། སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། ཁྱད་པར་དུ་སེམས་ཅན་ཐམས་ཅད་ཀྱི་དོན་དུ་ཡིན། དེ་བས་སྦྱིན་བདག་དང་གཏོང་ཕོད་ཅན་ཡོངས་ནས་རང་རང་གི་ནུས་པ་ཅི་ཡོད་ཀྱིས་རོགས་སྐྱོར་གནང་དགོས་པའི་བསྐུལ་མ་སྙིང་ཐག་པ་ནས་ཞུ།
རབ་བྱུང་བཅུ་བདུན་པའི་ཤིང་ལུག་ལོའི་སྟོན་པ་ལྷ་བབས་དུས་ཆེན་གྱི་ཉིན་བཟང་པོར། བདུད་འཇོམས་སྤྲུལ་སྐུའི་མིང་འཛིན་སངས་རྒྱས་པདྨ་བཞད་པས་བྲིས།
གུ་རུ་རིན་པོ་ཆེའི་རྒྱལ་ཚབ་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་འགྲོ་འདུལ་གླིང་པ་རྩལ་མཆོག་གིས་བྱིན་གྱིས་བརླབས་པའི་ཨོ་ཌི་ཤའི་གནས་མཆོག་བདུད་འདུལ་རབ་བརྟན་གླིང་དགོན་པའི་བླ་མ་བསོད་ནམས་བཀྲ་ཤིས་ནས། སངས་རྒྱས་ཀྱི་བསྟན་པ་དར་ཞིང་རྒྱས་པའི་ཆེད་དུ་དེར་ཟངས་མདོག་དཔལ་རི་གསར་དུ་བཞེངས་རྒྱུའི་ལྷག་བསམ་རྣམ་དག་གི་སྨོན་འདུན་ཡོད། དེ་བས་དད་ལྡན་སྦྱིན་བདག་གཏོང་ཕོད་ཅན་ཡོངས་ནས་རང་རང་གི་ནུས་པ་ལྟར་ཞལ་འདེབས་གནང་དགོས་པའི་བསྐུལ་མ་གུས་པས་ཞུ།
ཤིང་ལུག་ལོའི་བོད་ཟླ་བཅུ་གཅིག་པའི་ཡར་ཚེས་བཟང་པོར། ཨ་རི་ནིའུ་ཡོཀ་གི་ཡེ་ཤེས་སྙིང་པོ་ནས་གདུང་སྲས་གཤེན་ཕན་ཟླ་བ་ནོར་བུས་བྲིས།
ཀུན་གྱིས་མཁྱེན་གསལ་ལྟར། རྒྱ་གར་ཤར་ཕྱོགས་ཨོ་ཌི་ཤའི་བདུད་འདུལ་རབ་བརྟན་གླིང་དགོན་པ་ནི་༧སྐྱབས་རྗེ་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ་མཆོག་གིས་ཕྱག་བཏབ་པ་ཡིན། ད་ལྟ་ལྷག་བསམ་རྣམ་དག་ལྡན་པའི་དད་ལྡན་ཉམས་ལེན་པ་བླ་མ་བསོད་ནམས་བཀྲ་ཤིས་ནས། སྤྱིར་སངས་རྒྱས་ཀྱི་བསྟན་པར་ཕན་ཕྱིར་དང་། ཁྱད་པར་དུ་ང་ཚོའི་བླ་མ་གོང་མས་ཕྱག་བཏབ་པའི་དགོན་པ་དམ་པ་འདི་ཉམས་གསོ་དང་ཡར་རྒྱས་གཏོང་ཆེད། ཟངས་མདོག་དཔལ་རི་གསར་དུ་བཞེངས་པའི་ལས་འགུལ་ལ་འགོ་ཁྲིད་གནང་བཞིན་ཡོད།
བྱ་བ་དམ་པ་འདི་ལ་ངོས་ནས་སྙིང་ཐག་པའི་ཡི་རང་ཞུ་བ་དང་། བསོད་ནམས་གསོག་འདོད་ཀྱི་བློ་སྤོབས་ལྡན་པ་ཡོངས་ནས་ཐབས་ལམ་གང་ཐུབ་ཀྱིས་རོགས་སྐྱོར་གནང་དགོས་པའི་བསྐུལ་མ་སྙིང་ཐག་པ་ནས་ཞུ།
བདུད་འཇོམས་ཀྱི་མིང་འཛིན་འབྲུག་ཡུལ་གྱི་སྒོམ་པ་དགའ་རབ་རྡོ་རྗེས་བྲིས།
༧སྐྱབས་རྗེ་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ་མཆོག་གིས་ཕྱག་བཏབ་ཅིང་། རྒྱ་གར་ཨོ་ཌི་ཤའི་གུ་རུ་རིན་པོ་ཆེའི་གནས་ཡུལ་དམ་པར་ཡོད་པའི་བདུད་འདུལ་རབ་བརྟན་གླིང་དགོན་པར་ཟངས་མདོག་དཔལ་རི་གསར་དུ་བཞེངས་རྒྱུའི་འཆར་གཞི་འདི་ནི། ཀུན་གྱིས་བསོད་ནམས་དང་ཡེ་ཤེས་ཀྱི་ཚོགས་གཉིས་གསོག་པའི་ཆེད་དུ་བྱ་བ་དམ་པ་ཞིག་ཡིན།
ལས་གཞི་འདིར་འགོ་ཁྲིད་གནང་མཁན་བླ་མ་བསོད་ནམས་བཀྲ་ཤིས་ནས་སངས་རྒྱས་ཀྱི་བསྟན་པར་ཕན་ཕྱིར་མཐར་ཕྱིན་པར་བསྒྲུབ་རྒྱུའི་ཐུགས་ཁུར་མི་འགྱུར་བ་དང་ལྷག་བསམ་རྣམ་དག་ལ་སྙིང་ཐག་པ་ནས་ཡི་རང་ཞུ། དགེ་བའི་བྱ་བར་འཇུག་འདོད་ཀྱི་དད་ལྡན་ཡོངས་ནས་ཐབས་ལམ་གང་ཐུབ་ཀྱིས་རོགས་སྐྱོར་གནང་རྒྱུའི་རེ་བ་གུས་པས་ཞུ།
— ཀ་ཐོག་སི་ཏུ་འཇམ་མགོན་ཆོས་ཀྱི་ཉིན་བྱེད།
པར་ངོས་ཀྱི་ང་ཚོའི་སྒྲུང་།
ང་ཚོ་དང་ལྷན་དུ་ལམ་བུ་དམ་པ་འདིར་བགྲོད་རོགས། ཐོག་མའི་རི་མོ་དང་སོ་ཕག་དང་པོ་བཙུགས་པ་ནས་བཟུང་། ལོ་མང་པོའི་མོས་གུས་དང་། རྩ་ཆེའི་བཟོ་རིག སྐུ་འདྲ། ལག་རྩལ། སྨོན་ལམ་བཅས་བརྒྱུད་ནས་དེ་རིང་འགྲེང་བའི་ཟངས་མདོག་དཔལ་རིའི་བར་དུ།
བགྲོད་ལམ་ལ་གཟིགས།▶
ཐོག་མའི་ས་ཆོག་གི་མཛད་སྒོ།ཐོག་མའི་མཆོད་པ་དང་ས་གནས་བྱིན་རླབས། ཕྱི་ལོ་ ༢༠༡༧ ཟླ་ ༣ ཚེས་ ༣
སྐུ་རྟེན་དང་ལྡེབས་རིས།ཚོན་རྩི་དང་ལྡེབས་རིས། སྐུ་བརྙན་དམ་པ།
རྨང་གཞི།ཐོག་མའི་སྦྱིན་བདག་རྣམས་ཀྱིས་བཏིང་།
ཐོག་ཁང་ཤོད་མ།ཐོག་དང་པོ་འཕར་བ།
ལོངས་སྐུའི་གནམ་པང་།ཕྱི་ལོ་ ༢༠༢༣ ཟླ་ ༦ པར་བཙུགས།
བཞེངས་བསྐྲུན་གྱི་གནས་ཚུལ་གསར་པ།དེ་རིང་གི་ལྷ་ཁང་།
རྒྱུན་དུ་འདྲི་བའི་དྲི་བ།
གལ་ཏེ་ཁྱེད་ཀྱི་དྲི་བ་འདིར་མེད་ན། WhatsApp ཐོག་འཕྲིན་ཡིག་གཏོང་བའམ་གཤམ་གྱི་འགེངས་ཤོག་བེད་སྤྱོད་གནང་རོགས། དྲི་བ་ཡོངས་ལ་ལན་འདེབས་ཞུ་ངེས།
འབྲེལ་གཏུགས།
དྲི་བ་དང་། མཆོད་འབུལ། མཇལ་སྐོར་གྱི་འཆར་གཞི། ཡང་ན་ལྷ་ཁང་དུ་བསྔོ་སྨོན་འབུལ་བ་སོགས།
