བདུད་འདུལ་རབ་བརྟན་གླིང་དགོན་པ། ཨོ་ཌི་ཤ
༈ ཟངས་མདོག་དཔལ་རིའི་ཕོ་བྲང་ཆེན་མོ།
༈ ཟངས་མདོག་དཔལ་རིའི་ཕོ་བྲང་ཆེན་མོ།
ཨོ་ཌི་ཤའི་ས་གཞི་ལས་བརྡོལ་བའི་དཀྱིལ་འཁོར་གསོན་པོ་དང་། སློབ་དཔོན་གུ་རུ་པདྨ་འབྱུང་གནས་ཀྱི་དག་ཞིང་། སྐྱབས་རྗེ་བདུད་འཇོམས་རིན་པོ་ཆེའི་དགོངས་བཞེད་རླབས་ཆེན་བསྒྲུབ་པའི་ཕྱིར་དུ་བཞེངས་སོ།
དབུ་འཛིན་མཆོག་གི་གསུང་འཕྲིན།དབུ་འབྱེད་རབ་གནས་མཛད་སྒོ།ཕྱི་ལོ་ ༢༠༢༨ ཟླ་ ༣ ཚེས་ ༦
དམུགས་ཡུལ་དང་འཆར་སྣང་།
ཟངས་མདོག་དཔལ་རི་ནི་བོད་དུ་གསང་སྔགས་རྡོ་རྗེ་ཐེག་པའི་བསྟན་པ་སྤེལ་མཁན་གྱི་སློབ་དཔོན་གུ་རུ་པདྨ་འབྱུང་གནས་ཀྱི་ཞིང་ཁམས་ཡིན།
ཟངས་མདོག་དཔལ་རིའི་ལས་འཆར་དང་དགོན་པ་ནི་ཕྱིའི་རྣམ་པ་ཙམ་མ་ཡིན་པར་ས་སྟེང་འདིར་གུ་རུ་རིན་པོ་ཆེའི་རྣམ་སྤྲུལ་རིམ་བྱོན་གྱི་གནས་བྱིན་རླབས་ཅན་ཞིག་ཡིན། དཀྱིལ་འཁོར་འདི་ནི་བདུད་འཇོམས་གཏེར་གསར་གྱི་རྒྱུད་པའི་ཕྱག་ལེན་གཙོ་པོ་ཡིན་ལ་ཆོས་ལུགས་དད་མོས་དང་སྲུང་སྐྱོབ། འགྲོ་བ་སེམས་ཅན་ཐམས་ཅད་ཀུན་ལ་ཕན་ཐོགས་རྒྱ་ཆེར་ཡོད།
མི་ཚེའི་ནང་ཐེངས་གཅིག་ལས་དཀོན་པའི་ལས་གཞི་འདིས་འཛམ་གླིང་ས་ཕྱོགས་གང་སར་བཞུགས་པའི་ཆོས་གྲོགས་རྣམས་ལ་དཔལ་རྙིང་མའི་བསྟན་པ་རིན་པོ་ཆེ་འདི་ཉིད་མི་ཉམས་རྒྱུད་འཛིན་དང་། བསྟན་པ་ཡང་ནས་ཡང་དུ་དར་བའི་གནས་བྱིན་ཅན་ཞིག་ཏུ་བསྐྲུན་པར་རོགས་འདེགས་གནང་གི་ཡོད། དད་ལྡན་རྣམས་ཀྱི་མཆོད་འབུལ་དང་ཐུགས་སྨོན་གསོལ་འདེབས་ཀྱིས་གནས་མཆོག་ཟངས་མདོག་དཔལ་རི་འདི་ནད་རིགས་འཇོམས་ཤིང་། བྱིན་རླབས་ཆེ་བ། ཆོས་ཀྱི་བྱེད་སྒོ་སྤེལ་སའམ་ཚངས་རྒྱ་བའི་གནས་བྱིན་ཅན་ཞིག་ཏུ་འགྱུར་ངེས།
ཟངས་མདོག་དཔལ་རི་ནི་རྒྱ་གར་ཨུ་ཊི་སར་རྟེན་གཞི་བྱས་པའི་བདུད་འདུལ་རབ་བརྟན་གླིང་དགོན་པར་གནས་ཤིང་། ༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེས་དབུ་འཛུགས་གནང་ལ་དེང་སྐབས་བླ་མ་བསོད་ནམས་བཀྲ་ཤིས་རིན་པོ་ཆེས་གཟིགས་རྟོག་གནང་བཞིན་ཡོད།
ཟངས་མདོག་དཔལ་རི་ནི་འཛམ་གླིང་ཡོངས་ཀྱི་རྙིང་མ་དང་། བདུད་འཇོམས་གཏེར་གསར། དེ་བཞིན་རྒྱལ་སྤྱིའི་དགེ་འདུན་གྱི་སྡེ་ཡི། ཆོས་ཀྱི་བསྟི་གནས་གལ་ཆེན་ཤིག་ཏུ་གམིགས་ནས་བཞེངས་བ་ཞིག་ཡིན།
ཕྱི་ལོ་ ༢༠༡༦ ལོར་ལས་གཞི་འདིའི་བཟོ་བཀོད་དང་བཟོ་རིག་གི་ལས་ཀ་དབུ་བཙུགས་ཤིང་། ཕྱི་ལོ་ ༢༠༡༧ ལོའི་ཟླ་ ༣ པར་ས་ཆོག་མཛད་པ་ནས་བཟུང་། ས་གནས་ཁུག་ཅོག་ཡིན་པ་དང་བཟོ་བཀོད་ཧ་ཅང་གི་ཞིབ་ཚགས་ཡིན་པའི་རྐྱེན་གྱིས་དཀའ་ངལ་མང་པོ་ཞིག་ཁྱད་དུ་བསད་ཡོད། ད་ལྟའི་ཆར་རྨང་གཞི་དང་ཕྱིའི་བཟོ་བསྐྲུན་ལེགས་པར་འགྲུབ་སྟེ་བརྒྱ་ཆ་ ༨༠ ལྷག་ཟིན་ཡོད། རིམ་པ་རྗེས་མ་ནི་གཙོ་བོ་རྩ་ཆེའི་བཟོ་རིག་སྒྱུ་རྩལ་དང་ལྷ་ཁང་ནང་གི་ཞིབ་ཕྲའི་བཟོ་བཀོད་ལ་དམིགས་ཡོད། ཁྱེད་ཀྱི་རོགས་སྐྱོར་ལ་བརྟེན་ནས་ཕྱི་ལོ་ ༢༠༢༨ ལོར་བཟོ་བསྐྲུན་ཡོངས་སུ་ལེགས་འགྲུབ་ངེས་ལ། ཆོས་ཞུ་བ་དང་གནས་མཇལ་བ་རྣམས་ལ་ལྷ་ཁང་གི་སྒོ་འབྱེད་ངེས་ཡིན་ནོ།
ལོ་རྒྱུས་དང་བརྒྱུད་པའི་སྐོར་ཞིབ་ཏུ་གཟིགས།▶ང་ཚོའི་དཀྱིལ་འཁོར་འགྲུབ་ལ་ཉེ།
རིམ་པ་རེ་རེ་ལེགས་པར་གྲུབ་པ་དང་ལྷན། དཀྱིལ་འཁོར་འདི་ཉིད་ཡོངས་སུ་འགྲུབ་ལ་ཉེ། འདིས་ཆོས་རྒྱུད་བར་མཐུན་སྒྲིལ་དང་། ཟངས་མདོག་དཔལ་རི་དངོས་སུ་མངོན་འགྱུར་བྱུང་བར་ཀུན་གྱིས་མཉམ་རུབ་གནང་བའི་ཐུན་མོད་གི་འབད་བརྩོན་མཚོན་གྱི་ཡོད།།
མཆོད་འབུལ།
ལྷ་ཁང་གི་བཟོ་བཀོད་ལེགས་པར་འགྲེང་ཡོད་ལ། ད་ལྟ་གཙོ་བོ་དགོས་པ་ནི་ཚོན་རྩི་དང་། གསེར། སྐུ་བརྙན། རྩི་ཤིང་མེ་ཏོག མ་འོངས་པར་སྒོ་འབྱེད་སྐབས་དགེ་འདུན་གྱི་སྡེ་ལ་བསྙེན་བཀུར་གྱི་ཕྱག་རོགས་རྣམས་ཡིན། ཁྱེད་ཀྱིས་དཀྱིལ་འཁོར་ལེགས་འགྲུབ་ཀྱི་ཆ་ཤས་གང་ཞིག་ལ་རོགས་སྐྱོར་གནང་འདོད་པ་འདེམས་རོགས་ཞུ།
མཐའ་མའི་བཟོ་བསྐྲུན་ཀྱི་ནང་ཕྱིའི་ཚོན་རྩི་དང་། ནང་གི་རྩ་ཆེའི་ལྡེབས་རིས་སྐུ་རྟེན་སོགས། དེ་བཞིན་སྒོམ་སྒྲུབ་ཉམས་ལེན་དང་ལྷིང་འཇགས་ཀྱི་སྐྱེད་མོས་ཚལ་དང་ཕྱིའི་ཁོར་ཡུག་བསྐྲུན་རྒྱུ་བཅས་ཡིན།
ཞལ་འདེབས་ཆེ་ཆུང་གང་འདྲ་ཞིག་ཕུལ་ནའང་། གནས་བྱིན་ཅན་འདི་ཉིད་ཡོངས་སུ་ལེགས་འགྲུབ་ཡོང་བར་ཕན་ཐོགས་ཆེན་པོ་ཡོད།
མཆོད་འབུལ་ཞིག་གནང་རོགས།ཟླ་རེའི་གུ་རུ་ཚེས་བཅུའི་མར་མེ་མཆོད་འབུལ་ལ་མཉམ་ཞུགས་གནང་རོགས། ཁྱེད་ཀྱིས་ཕུལ་བའི་མཆོད་མེ་རྣམས་དགེ་འདུན་པ་རྣམས་ཀྱིས་སྨོན་ལམ་གསུང་བའི་སྐབས་དང་ཡང་ན་ཟླ་རེའི་གཟུངས་སྔགས་བསོག་པའི་སྐབས་སུ་འབུལ་རྒྱུ། སྐྱེ་འགྲོ་སེམས་ཅན་ཡོངས་ཀྱི་ཆེད་དུ་བསྔོ་བ་དང་དེ་བཞིན་ཁྱེད་ཀྱིས་སྒེར་གྱི་མཚན་དང་མཆོད་འབུལ་གང་གི་ཆེད་ཡིན་པ་སོགས་བཀོད་ཆོག
མཆོད་འབུལ་ཞིག་གནང་རོགས།རྩ་ཆེའི་སྐུ་རྟེན་རེ་རེས་བྱང་ཆུབ་ཀྱི་ཡོན་ཏན་རེ་རེ་མཚོན་ཞིང་། ཟངས་མདོག་དཔལ་རིའི་དཀྱིལ་འཁོར་གྱི་ཆ་ཤས་ཤིག་ཏུ་འགྱུར་གྱི་ཡོད། ཁྱེད་ཀྱིས་སྐུ་རྟེན་ལ་སྦྱིན་བདག་གནང་བ་དེས་ལྷ་ཁང་འདི་ལེགས་པར་འགྲུབ་པའི་རོགས་འདེགས་དང་།དེ་བཞིན་སྐྱེ་འགྲོ་སེམས་ཅན་ཐམས་ཅད་བདེ་འགྲོར་སྐྱེ་བ་དང་དམ་པའི་ཆོས་དར་ཞིང་རྒྱས་པའི་བསྔོ་སྨོན་རུ་འགྲོ་ངེས།
མཆོད་འབུལ་ཞིག་གནང་རོགས།ཕྱི་ལོ་ ༢༠༢༨ ལོའི་ཟླ་ ༣ པའི་ནང་གི་རབ་གནས་མཛད་སྒོ་དངོས་ལ་རྒྱབ་སྐྱོར་གནང་རྒྱུ་སྟེ། མཛད་སྒོ། མཆོད་རྫས། དེ་བཞིན་དགེ་འདུན་པ་དང་མཇལ་སྐོར་བ་རྣམས་ལ་བསྙེན་བཀུར་བཅས་ཡིན།
མཆོད་འབུལ་ཞིག་གནང་རོགས།ཐོག་བརྩེགས་གསུམ།
Zangdok Palri ནི་ཐོག་བརྩེགས་དམ་པ་གསུམ་དུ་མཐོ་རུ་བཞེངས་ཡོད་ལ། ཐོག་རེ་རེས་སངས་རྒྱས་ཀྱི་སྐུ་གསུམ་སྟེ། སྤྲུལ་སྐུ། ལོངས་སྐུ། ཆོས་སྐུ་རྣམས་ལས་རེ་རེ་མཚོན།
དེའི་བཟོ་བཀོད་ཉིད་ཆོས་ཀྱི་བསྟན་པ་ཞིག་ཡིན། ལྷ་ཁང་གི་ནང་ཡར་འཛེག་པ་ན། འཇིག་རྟེན་དུ་སྣང་བའི་སངས་རྒྱས་ཀྱི་སྐུ་ནས། འོད་གསལ་དག་སྣང་གི་སྣང་བ་དང་། མཐར་གཟུགས་ལས་འདས་པའི་མཐར་ཐུག་གི་རང་བཞིན་དུ་བགྲོད།
ཐོག་མཐོ་ཤོས་ཀྱིས་ཆོས་སྐུ་སྟེ། བྱང་ཆུབ་ཀྱི་མཐར་ཐུག་གི་རང་བཞིན་མཚོན། དེ་ནི་གཟུགས་དང་ཁ་དོག ཁྱད་པར། རྣམ་རྟོག་གི་མཐའ་མཚམས་ལས་འདས་པ་ཡིན།
དེ་ནི་སངས་རྒྱས་ཀྱི་སྣང་བ་ཐམས་ཅད་འཆར་བའི་འབྱུང་ཁུངས་ཡིན་ཞིང་། སེམས་ཀྱི་རང་བཞིན་མཐའ་ཡས་ཤིང་འདུས་མ་བྱས་པ་ལ་ངོ་སྤྲོད།
ཐོག་བར་མས་ལོངས་སྐུ་སྟེ། སངས་རྒྱས་ཀྱི་འོད་གསལ་ཞིང་རྒྱན་གྱིས་སྤྲས་པའི་ཆ་མཚོན།
འདི་ནི་དག་སྣང་གི་ཞིང་ཁམས་ཡིན་ཏེ། དེར་སངས་རྒྱས་ཀྱི་ཡོན་ཏན་རྣམས་འོད་གསལ་གྱི་སྐུར་འཆར་ཞིང་། རྟོགས་པ་དང་སྒོམ། བརྒྱུད་པའི་ཟབ་མོའི་ཉམས་ལེན་བརྒྱུད་ནས་མཇལ།
ས་ཐོག་གིས་སྤྲུལ་སྐུ་སྟེ། འགྲོ་བའི་དོན་དུ་འཇིག་རྟེན་དུ་སྣང་བའི་སངས་རྒྱས་ཀྱི་སྐུ་མཚོན།
འདི་ནི་ལུས་ཀྱིས་ནང་དུ་འཛུལ་བའི་ཐོག་སྟེ། གུ་རུ་པདྨ་འབྱུང་གནས་ཀྱི་ཕོ་བྲང་ཡིན། དེར་མཆོད་པ་འབུལ་ཞིང་། ཆོས་ཞུ་བ་དང་། ཆོས་ཀྱི་ཕྲིན་ལས་མངོན་སུམ་དུ་མཇལ་ཐུབ།
ཕྱི་ལོ་༢༠༢༨ལོའི་ཟླ་༠༣ཚེས་༠༦།
དཀྱིལ་འཁོར་གྱི་ལྷ་ཁང་འདི་ཉིད་ཡོངས་སུ་འགྲུབ་པ་དང་རབ་གནས་མཛད་རྗེས་ཆོས་ཞུ་བ་དང་མཇལ་སྐོར་བ་རྣམས་ཀྱི་ཆེད་དུ་སྒོ་མོ་འབྱེད་རྒྱུ་ཡིན། འདི་ནི་ཨོ་རྒྱན་གུ་རུ་རིན་པོ་ཆེས་བྱིན་གྱིས་བརླབས་པའི་གནས་མཆོག་འདིར་འཛམ་གླིང་ཡོངས་ཀྱི་རྙིང་མ་དང་། བདུད་འཇོམས་གཏེར་གསར། དེ་བཞིན་གཅོད་ཡུལ་བའི་དགེ་འདུན་གྱི་སྡེ་རྣམས་མཉམ་འཛོམས་ཀྱི་དགའ་སྟོན་ཆེན་པོ་ཞིག་ཡིན།
༈ ཟངས་མདོག་དཔལ་རིའི་ཕོ་བྲང་ཆེན་མོ།
ཨོ་ཌི་ཤའི་ཕྱི་དྲོའི་ཉི་ནུབ་ཀྱི་དུས་སུ།ཟངས་མདོག་དཔལ་རི་ནི་ཕྱི་དྲོའི་ཉི་འོད་ཐ་མའི་ཀློང་དུ་ལྷམ་མེར་གསལ་ཞིང་། འདི་ནི་ཨོ་རྒྱན་གུ་རུ་རིན་པོ་ཆེའི་དག་ཞིང་ནས་འཕྲོས་པའི་འོད་ཟེར་གྱི་གཟུགས་བརྙན་ཞིག་གོ།
བརྒྱུད་པའི་བླ་མ་རྣམས་ཀྱི་གསུང་འཕྲིན།
བདུད་འཇོམས་གཏེར་གསར་གྱི་བརྒྱུད་འཛིན་བླ་མ་སྐྱེས་ཆེན་དམ་པ་རྣམས་ཀྱིས་ལས་གཞི་འདིར་རྒྱབ་སྐྱོར་གྱི་ཕྱག་བྲིས་སྩལ་ཏེ། དད་ལྡན་རྣམས་ལ་རང་རང་གི་ནུས་པ་ལྟར་མཆོད་འབུལ་གནང་དགོས་པའི་བསྐུལ་མ་གནང་ཡོད། དེ་དག་གི་གསུང་ཡོངས་རྫོགས་འདིར་འགོད་དོ།
སངས་རྒྱས་ཀྱི་བསྟན་པ་དང་སེམས་ཅན་ཡོངས་ཀྱི་དོན་དུ། འགྲོ་བ་རྣམས་ཀྱི་བསོད་ནམས་ཀྱི་མཐུ་ལས་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་མཆོག་གིས་ཨོ་ཌི་ཤར་གནས་མཆོག་བདུད་འདུལ་རབ་བརྟན་གླིང་དགོན་པ་ཕྱག་བཏབ། ད་ལྟ་བླ་མ་བསོད་ནམས་བཀྲ་ཤིས་ནས་ལྷག་བསམ་རྣམ་དག་དང་སངས་རྒྱས་ཀྱི་བསྟན་པར་ཞབས་ཏོག་ཞུ་བའི་ཐུགས་འདུན་ཟབ་མོས་དེར་ཟངས་མདོག་དཔལ་རི་ཚད་ལྡན་ཞིག་བཞེངས་རྒྱུའི་འཆར་གཞིར་འགོ་ཁྲིད་གནང་བཞིན་ཡོད་པ་ནི། སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། ཁྱད་པར་དུ་སེམས་ཅན་ཐམས་ཅད་ཀྱི་དོན་དུ་ཡིན། དེ་བས་སྦྱིན་བདག་དང་གཏོང་ཕོད་ཅན་ཡོངས་ནས་རང་རང་གི་ནུས་པ་ཅི་ཡོད་ཀྱིས་རོགས་སྐྱོར་གནང་དགོས་པའི་བསྐུལ་མ་སྙིང་ཐག་པ་ནས་ཞུ།
རབ་བྱུང་བཅུ་བདུན་པའི་ཤིང་ལུག་ལོའི་སྟོན་པ་ལྷ་བབས་དུས་ཆེན་གྱི་ཉིན་བཟང་པོར། བདུད་འཇོམས་སྤྲུལ་སྐུའི་མིང་འཛིན་སངས་རྒྱས་པདྨ་བཞད་པས་བྲིས།
གུ་རུ་རིན་པོ་ཆེའི་རྒྱལ་ཚབ་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་འགྲོ་འདུལ་གླིང་པ་རྩལ་མཆོག་གིས་བྱིན་གྱིས་བརླབས་པའི་ཨོ་ཌི་ཤའི་གནས་མཆོག་བདུད་འདུལ་རབ་བརྟན་གླིང་དགོན་པའི་བླ་མ་བསོད་ནམས་བཀྲ་ཤིས་ནས། སངས་རྒྱས་ཀྱི་བསྟན་པ་དར་ཞིང་རྒྱས་པའི་ཆེད་དུ་དེར་ཟངས་མདོག་དཔལ་རི་གསར་དུ་བཞེངས་རྒྱུའི་ལྷག་བསམ་རྣམ་དག་གི་སྨོན་འདུན་ཡོད། དེ་བས་དད་ལྡན་སྦྱིན་བདག་གཏོང་ཕོད་ཅན་ཡོངས་ནས་རང་རང་གི་ནུས་པ་ལྟར་ཞལ་འདེབས་གནང་དགོས་པའི་བསྐུལ་མ་གུས་པས་ཞུ།
ཤིང་ལུག་ལོའི་བོད་ཟླ་བཅུ་གཅིག་པའི་ཡར་ཚེས་བཟང་པོར། ཨ་རི་ནིའུ་ཡོཀ་གི་ཡེ་ཤེས་སྙིང་པོ་ནས་གདུང་སྲས་གཤེན་ཕན་ཟླ་བ་ནོར་བུས་བྲིས།
ཀུན་གྱིས་མཁྱེན་གསལ་ལྟར། རྒྱ་གར་ཤར་ཕྱོགས་ཨོ་ཌི་ཤའི་བདུད་འདུལ་རབ་བརྟན་གླིང་དགོན་པ་ནི་༧སྐྱབས་རྗེ་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ་མཆོག་གིས་ཕྱག་བཏབ་པ་ཡིན། ད་ལྟ་ལྷག་བསམ་རྣམ་དག་ལྡན་པའི་དད་ལྡན་ཉམས་ལེན་པ་བླ་མ་བསོད་ནམས་བཀྲ་ཤིས་ནས། སྤྱིར་སངས་རྒྱས་ཀྱི་བསྟན་པར་ཕན་ཕྱིར་དང་། ཁྱད་པར་དུ་ང་ཚོའི་བླ་མ་གོང་མས་ཕྱག་བཏབ་པའི་དགོན་པ་དམ་པ་འདི་ཉམས་གསོ་དང་ཡར་རྒྱས་གཏོང་ཆེད། ཟངས་མདོག་དཔལ་རི་གསར་དུ་བཞེངས་པའི་ལས་འགུལ་ལ་འགོ་ཁྲིད་གནང་བཞིན་ཡོད།
བྱ་བ་དམ་པ་འདི་ལ་ངོས་ནས་སྙིང་ཐག་པའི་ཡི་རང་ཞུ་བ་དང་། བསོད་ནམས་གསོག་འདོད་ཀྱི་བློ་སྤོབས་ལྡན་པ་ཡོངས་ནས་ཐབས་ལམ་གང་ཐུབ་ཀྱིས་རོགས་སྐྱོར་གནང་དགོས་པའི་བསྐུལ་མ་སྙིང་ཐག་པ་ནས་ཞུ།
བདུད་འཇོམས་ཀྱི་མིང་འཛིན་འབྲུག་ཡུལ་གྱི་སྒོམ་པ་དགའ་རབ་རྡོ་རྗེས་བྲིས།
༧སྐྱབས་རྗེ་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ་མཆོག་གིས་ཕྱག་བཏབ་ཅིང་། རྒྱ་གར་ཨོ་ཌི་ཤའི་གུ་རུ་རིན་པོ་ཆེའི་གནས་ཡུལ་དམ་པར་ཡོད་པའི་བདུད་འདུལ་རབ་བརྟན་གླིང་དགོན་པར་ཟངས་མདོག་དཔལ་རི་གསར་དུ་བཞེངས་རྒྱུའི་འཆར་གཞི་འདི་ནི། ཀུན་གྱིས་བསོད་ནམས་དང་ཡེ་ཤེས་ཀྱི་ཚོགས་གཉིས་གསོག་པའི་ཆེད་དུ་བྱ་བ་དམ་པ་ཞིག་ཡིན།
ལས་གཞི་འདིར་འགོ་ཁྲིད་གནང་མཁན་བླ་མ་བསོད་ནམས་བཀྲ་ཤིས་ནས་སངས་རྒྱས་ཀྱི་བསྟན་པར་ཕན་ཕྱིར་མཐར་ཕྱིན་པར་བསྒྲུབ་རྒྱུའི་ཐུགས་ཁུར་མི་འགྱུར་བ་དང་ལྷག་བསམ་རྣམ་དག་ལ་སྙིང་ཐག་པ་ནས་ཡི་རང་ཞུ། དགེ་བའི་བྱ་བར་འཇུག་འདོད་ཀྱི་དད་ལྡན་ཡོངས་ནས་ཐབས་ལམ་གང་ཐུབ་ཀྱིས་རོགས་སྐྱོར་གནང་རྒྱུའི་རེ་བ་གུས་པས་ཞུ།
— ཀ་ཐོག་སི་ཏུ་འཇམ་མགོན་ཆོས་ཀྱི་ཉིན་བྱེད།
པར་ངོས་ཀྱི་ང་ཚོའི་སྒྲུང་།
ང་ཚོ་དང་ལྷན་དུ་ལམ་བུ་དམ་པ་འདིར་བགྲོད་རོགས། ཐོག་མའི་རི་མོ་དང་སོ་ཕག་དང་པོ་བཙུགས་པ་ནས་བཟུང་། ལོ་མང་པོའི་མོས་གུས་དང་། རྩ་ཆེའི་བཟོ་རིག སྐུ་འདྲ། ལག་རྩལ། སྨོན་ལམ་བཅས་བརྒྱུད་ནས་དེ་རིང་འགྲེང་བའི་ཟངས་མདོག་དཔལ་རིའི་བར་དུ།
བགྲོད་ལམ་ལ་གཟིགས།▶
ཐོག་མའི་ས་ཆོག་གི་མཛད་སྒོ།ཐོག་མའི་མཆོད་པ་དང་ས་གནས་བྱིན་རླབས། ཕྱི་ལོ་ ༢༠༡༧ ཟླ་ ༣ ཚེས་ ༣
སྐུ་རྟེན་དང་ལྡེབས་རིས།ཚོན་རྩི་དང་། ལྡེབས་བྲིས། རྩ་ཆེའི་སྐུ་རྟེན་དག
རྨང་གཞི།ཐོག་མའི་སྦྱིན་བདག་རྣམས་ཀྱིས་བཏིང་།
ཐོག་ཁང་ཤོད་མ།ཐོག་དང་པོ་འཕར་བ།
ལོངས་སྐུའི་ཐོག་ཁེབས།ཕྱི་ལོ་ ༢༠༢༣ ཟླ་ ༦ པར་བཙུགས།
བཞེངས་བསྐྲུན་གྱི་གནས་ཚུལ་གསར་པ།དེ་རིང་གི་ལྷ་ཁང་།
རྒྱུན་དུ་འདྲི་བའི་དྲི་བ།
གལ་ཏེ་ཁྱེད་ཀྱི་དྲི་བ་འདི་གར་མེད་ཚེ། ང་ཚོར་ཝ་ཚེབས་ (WhatsApp) བརྒྱུད་ནས་འཕྲིན་ཡིག་གཏོང་བའམ། ཡང་ན་གཤམ་གྱི་འགེང་ཤོག་འདི་སྤྱད་དེ་འབྲེལ་བ་གནང་རོགས། ང་ཚོས་དྲི་བ་མཐའ་དག་ལ་ལན་འདེབས་ཞུས་ཆོག
འབྲེལ་གཏུགས།
དྲི་བ་དང་། མཆོད་འབུལ། མཇལ་སྐོར་གྱི་འཆར་གཞི། ཡང་ན་ལྷ་ཁང་དུ་བསྔོ་སྨོན་འབུལ་བ་སོགས།
